European Solidarity Corps gjev ungdom nye høver til å delta i frivillig arbeid, praksisopphald eller arbeid gjennom aktivitetar som har eit solidarisk innhald. I tillegg kan dei utforme og utvikle solidaritetsprosjekt på eige initiativ. Programmet skal bidra til å fremme deira personlege, utdanningsmessige, sosiale, medborgarlege og faglege utvikling. 

Programmet har fem typar tiltak:

1. frivillig arbeid i samband med solidaritetsaktivitetar, jf. art. 7

2. praksisopphald og arbeid, jf. art. 8

3. solidaritetsprosjekt, jf. art 9

4. nettverksaktivitetar for enkeltpersonar og organisasjonar, jf. art. 5

5. kvalitets- og støttetiltak, jf. art. 5

Noreg er som EØS-land invitert til å delta i aktivitetar etter art. 5 og 7, men er altså ikkje invitert til å delta i praksisopphald, arbeid og solidaritetsprosjekt, jf. art. 14 (2) a). 

Dei frivillige aktivitetane bygger vidare på European Voluntary Service. Noreg har delteke i European Voluntary Service gjennom ulike program, seinast Erasmus+, fram til opprettinga av European Solidarity Corps i 2018. 

Merknader
Rettslige konsekvenser

Rettsakta er foreslått med heimel i artikkel 165 (4), artikkel 166 (4) og artikkel 214 (5) i traktaten om den europeiske unions virkemåte (TFEU). 

Rettsakta vil ikkje medføre endringar i norsk regelverk, men krev budsjettvedtak, og kategoriserast difor i gruppe 1. Ved eventuell deltaking krevast difor samtykke frå Stortinget. 

Økonomiske og administrative konsekvenser

Kommisjonen har foreslått å gje programmet eit budsjett på 1,26 mrd euro gjennom perioden. Ved eventuell deltaking vil Noreg måtte betale for programdeltaking i samsvar med EØS-avtalen, i tillegg til å finansiere eit nasjonalkontor for deltakinga. 

Sakkyndige instansers merknader

Dette notatet har vore handsama i spesialutvalet for utdanning, der Arbeids- og sosialdepartementet, Finansdepartementet, Forsvarsdepartementet, Helse- og omsorgsdepartementet, Justis- og beredskapsdepartementet, Klima- og miljødepartementet, Kommunal- og moderniseringsdepartementet, Kunnskapsdepartementet, Kulturdepartementet, Landsbruks- og matdepartementet, Nærings- og fiskeridepartementet, Olje- og energidepartementet, Samferdselsdepartementet, Utanriksdepartementet og Barne- og familiedepartementet er representert, i tillegg til tre underliggande etatar. Det foreløpige posisjonsnotatet vart handsama i SU Utdanning i møte 16. oktober 2019.

Vurdering

Det er valfritt å delta i programmet. Noreg deltek ikkje i tilsvarande program for 2018 - 2020, men har delteke i liknande aktivitetar tidlegare. Programmet er ikkje på liste over program som Noreg har signalisert interesse for å delta i, og er altså nedprioritert av regjeringa.

Status

Forslaget er til diskusjon i EU. Endeleg budsjett avheng av semja om langtidsbudsjett i EU, og korleis dette budsjettet fordelast.