BAKGRUNN (fra kommisjonsdirektivet, norsk utgave)

1) I kommisjonsdirektiv 72/168/EØF av 14. april 1972 om fastsettelse av kjennetegn og minstekrav ved undersøkelse av sorter av grønnsakarter, endra ved direktiv 2002/8/EF, er det med sikte på offisiell godkjenning av sortane i dei listene som medlemsstatane fører, fastsett kva eigenskapar som granskingane av dei ulike artane minst skal omfatte, saman med minstekrav til gjennomføringa av granskingane.

2) Administrasjonsrådet for plantesortskontoret til Fellesskapet (CPVO), som vart skipa ved rådsforordning (EF) nr. 2100/94 av 27. juli 1994 om EF-planteforedlerrett, sist endra ved forordning (EF) nr. 1650/2003, har utferda rettleiande prinsipp for prøving med omsyn til krava til gransking av visse artar.

3) På internasjonalt plan finst det rettleiande prinsipp for prøving, der krava til gransking av sortane er fastsette. Den internasjonale unionen for vern av nye plantesortar (UPOV) har utarbeidd rettleiande prinsipp for prøving.

4) Direktiv 72/168/EØF vart endra ved direktiv 2002/8/EF for å sikre at dei rettleiande prinsippa for prøving som CPVO har utarbeidd, stemmer overeins med krava til gransking av sortane med sikte på at dei skal godtakast for oppføring i dei nasjonale sortslistene i medlemsstatane, i den mon CPVO har fastsett rettleiande prinsipp for prøving. CPVO har seinare fastsett rettleiande prinsipp for ei rekkje andre artar.