BAKGRUNN (fra europaparlaments- og rådsdirektivet, norsk utgave)

1) I europaparlaments- og rådsdirektiv 95/2/EF av 20. februar 1995 om andre tilsetningsstoffer i næringsmidler enn fargestoffer og søtstoffer(5) er det fastsett ei liste over tilsetjingsstoff i næringsmiddel som kan nyttast i Fellesskapet, og vilkår for bruken av dei.

2) Sidan direktiv 95/2/EF vart vedteke, har det funne stad ei teknisk utvikling på området for tilsetjingsstoff i næringsmiddel.

3) Direktiv 95/2/EF bør tilpassast for å ta omsyn til denne utviklinga.

4) Tilsetjingsstoff kan berre godkjennast for bruk i næringsmiddel dersom dei stettar dei generelle kriteria som er fastsette i vedlegg II til direktiv 89/107/EØF.

5) I medhald av artikkel 5 nr. 1 i direktiv 89/107/EØF kan ein medlemsstat tillate bruk på territoriet sitt av eit nytt tilsetjingsstoff i næringsmiddel i eit tidsrom på to år.

6) I samsvar med oppmodingar frå medlemsstatar bør følgjande tilsetjingsstoff som er vortne godkjende på nasjonalt plan, godkjennast på fellesskapsplan: propan, butan og isobutan. Desse produkta bør merkjast i samsvar med rådsdirektiv 75/324/EØF av 20. mai 1975 om tilnærming av medlemsstatenes lovgivning om aerosolbeholdere.

7) Vitskapsutvalet for næringsmiddel, som er oppnemnt ved kommisjonsvedtak 97/579/EF, er i samsvar med artikkel 6 i direktiv 89/107/EØF vorte rådspurt om vedtaking av føresegner som vil kunne verke inn på folkehelsa -